Денес во нашето училиште создадовме нешто посебно – направивме временска капсула. Во неа внимателно ги вложивме нашите пораки, фотографии, соништа и спомени кои зборуваат за тоа кои сме денес, што учиме, што нè радува и кон што се стремиме.
Оваа капсула не е само кутија со предмети. Таа е сведок на едно време – на нашите идеи, пријателства, успеси и предизвици. Еден ден, кога повторно ќе ја отвориме, ќе нè потсети колку сме растеле, се менувале и напредувале.
До идните генерации – ви оставаме дел од нас, со желба да продолжите да ја градите приказната на нашето училиште со истата љубов и посветеност.
